بحر هواك ....... شعر / م. محمد الجوجرى
ياللى جمال طلّتك
نسمة هوى روحى
ياللى حلاوة بسمتك
بلسم دوا جروحى
ـــــــــــــــــــــــــ
وأنت معايه بتوه
واسرح فى بحر هواك
وأنت بعيد عنى
روحى تكون وياك
ــــــــــــــــــــــ
طيفك تمللى معايه
شاغل ومالى شجونى
ساكن هواك جوايه
شايلُه فى نن عيونى
ــــــــــــــــــــــ
عنوان هواك قلبى
وميلاده بدايته بيك
عشقك رسول حبى
حنانى دفا يحميك
ــــــــــــــــــــــــ
فارس جميع أحلامى
دايب هوايه فيك
نبضى وحروف كلامى
عِشقى وعايش ليك
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.