ياعمرنا عديت ياعمر مننا بقلم الشاعر جبريل رضوان

ياعمرنا عديت ياعمر مننا
ياعمرنا جريت بسرعة طحنتنا
ياعمرنا ف غفلة منا سرقتنا
ياعمرنا عديت واحنا محسناش
مع اننا لسة بينبض  قلبنا
ياعمرنا مين اللي صانك مننا
عشناك ياعمر بفرحنا وبجرحنا
عشناك ياعمر ونسينا حتى نفسنا
اصرفنا ليه على نفسنا ولاهمنا
وطحنا ف كل العباد ملقينا حد يلمنا
ياعمرنا فرطنا فيك ونسينا حتى نفسنا
ااااااااااااااا
ياعمر بيعدي ف لحظة او ثواني
واحنا لاهينا الامل ويا الاماني
الدنيا ليه غرة العباد ومغمياني
وعصيت كتير رب العباد من فوق ناداني
والعمر عدا مني وجرا  وانا لسة مستني ف مكاني
حاستنى ليه انا لازم اهرب من شيطاني
حارميه بحجر وسواس وبيزن ف وداني
والدنيا ماتسوى بعوضه كفاية هي متوهاني
بطمعها لسة وسحرها واخداني لسه معشماني
راجع يارب لرحمتك حاستنى ايه انا لسة تاني
اااااااااااااااااااا
جبريل رضوان

عمرك قصيَر بقلم الشاعر محمد العربى

عمرك قصيَر 
عمرك قصيَر مش طويل 
يااادى القلم 
علشان وجودك والكلام 
زى العدم
و تمللى ترسم ع السطور 
الشمس وعروسة البحور 
و عملت شاعر بالألم 
و ملكش لازمه ف أى دور 
بلا منظره وكدب و غرور  
وفَر حروفك واطوى كراسك 
فصَل لنفسك توب على مقاسك 
واتعللم الاحساس م الناس 
و قول طيب 
ركَز على الموضوع 
و الفكره من راسك 
عللم على الأيام تلاقينا حرَاسك 
خلَيك كما البركان صادق فى احساسك 
مهمان تغيب الدنيا هتذاكرك 
بالخير وحب الغير و اخلاصك 
 بقلمى \ محمد العربى

الحب مش حبيب بقلم الشاعر محمد عطية محمد

رباعيات الأحزان (( الحب مش حبيب ))
( للحزن في قلبي مكان )

الحب مش حبيب .. . .. . .. يهجرني ويبعني 

يجرح ويقول نصيب .. . .. . .. ويسبني ويفوتني

الحب انسان حببني .. . .. . .. عاشق بيخاف عليه

من نظره يكون فهمني .. . .. . .. وقلبه يحس اللي بيه

ده الشوق ملاني جراح .. .. .. ليل الهوي رواح

وان كان علي الصبر هصبر  .. . .. . .. و هلملم في اللي راح

كلمات الصدق
فارس الليل الحزين
محمد عطية محمد
16/6/2016

لو أراد القدر بقلم الشاعر محمود موسى

لو أراد القدر
لو أراد القدر أن نلتقي
وكتب أن تحبيني وتعشقي
وتحتضن شفتك شفتي
وهمست لك في الحلم
أحبك يا زهرة عمري
لو أراد القدر أن أبحر في عينيك
لأقمت مرافيء الغرام على خديك
ونصبت خيامي أمام سيوف عينيك
لو أراد القدر أن تعرفيني
لكان عشقك نجم يضيء سنيني
ولطوينا الماضي كله
ونسينا غدا وبعد غد
وعشنا لحظة ميلادنا
لحظة عشق وغرام
لو أراد القدر أن تعشقيني
لملأت أكفي بالمحبة
وملأت عيني بالحنين واللهفة
وزرعت لك وردا وياسمينا
سأغمس في الشهد كلماتي
وأكتب لك أجمل أغنياتي
وأشتري مزمارا ونايا
وأغني لك كل أيامي
لو أراد القدر أن أراك
لاخترتك أنت وكنت أهواك
وأصبحت أنت دليل حياتي
لا أعرف غيرك وأهوى شفتاكي
لكنك تقفي غريبة عني
تاهت خطواتنا وطارت أحلامي
فلا لقاء لنا ولا حتى في المنام
بقلم الشاعر محمود موسى

أهاتك يا ضنايا وجعاني بقلم الشاعر حسن الشوان

..................... أهاتك يا ضنايا وجعاني ..........
.............................................................
تعالي يا إبني
يا إبن عمري
قرب قرب مني
تعالي في حضني
مرمغ شعرك في صدري
دمك غرق وريدي
وصفك بكي لساني
يا أغلي نغمه في عودي
رسمك علي حيطاني
فرطت من عناقيدي
أهاتك يا ضنايا وجعاني 
وانت جنيني ووليدي
ح تبقي معايا كل زماني
انت أمل وجــــودي
بتموت في أحضاني
اه واه مـرارة صبري
سبلت عيونك شايفاني
وفاضت روحك بحجري
جفت دموعي وهرياني
ح كفنك بـــورودي
ح ذفك في عيدي
من غيرك ماليش تاني
يصحيني في مواعيدي
يسقي ويراعي بستاني
خد كل حاجه حلوه
والمرارة شقت شرياني
ذنبك في رقبته حدوة
اللي إستباحك وحداني
انت عايش جوايا
منور كل أركــاني
مبقاش غير شقايا
لغاية ما اقابلك تاني
ملاك طاهر يا ضنايا
صوتك لسه في وداني
وصورتك وانت معايا
يمكن تنسيني حرماني
وأكيد ح تسمع ندايا
وألقاك في أحضاني
...............................................................
......... إحساس / الشاعر حسن الشوان .........

شباك الهوى بقلم الشاعر م/محمد الجوجري

شِباك الهوى ..... شعر / م . محمد الجوجرى

فتح الهوا شباكه

ولقانى مستنى

رمى عليه شِباكه

وراح مصطدنى

وفرد ورده وأشواكه

ونده عليه يخيرنى

ووقعت فى شراكه

و بجنته عشمنى

وبقيت من مُلاكه

وفى اشواقه دوبنى

ودورت فى أفلاكه

فتحلى بابه ودخلنى

وكتب اسمى فى أوراقه

وفى بحوره غرقنى

وبقيت من عشاقه

وجمال جنته توهنى

ونسيت لوعته وعذابه

وبنسيمه سحرنى

ومالقيت اللى يطببنى

وقابلت حبيبى فى رحابه

راح قبلى وسبقنى

وبقى واحد من أحبابه

وهو ده اللى صبرنى

عشق الفؤاد بقلم الشاعر مبروك علوه

☆( عشق الفؤاد )☆

بحبك يا نور ضي العيون

يا هوايا وقمري وشمسي

بقولها بصوت وقت السكون

وأقولها ف صمتي وهمسي

وعشقك في قلبي كأنه جنون

وفرحة نجاحى وقصة كفاحى

وصورتك ف بالي فين ما باكون

يا بستان ورود يزين صباحى

ياشمع الميلاد يا عشق الفؤاد

بحبك يا غالي يابدر الليالى

لو أبعد أحسك مطقش البعاد

بشوفك ف عيني عروسي وامالي

دا الكلمه منك يا حبيبي تشجينى

ياعايش ف قلبى وديمآ ف بالى

يا حبيب الروح حبك كاويني

يا بدر منور وساكن كياني

في حنانك وطيبتك عشت سنينى

أشرق وأغرب وأرجعله تانى

من حبك وحنانك يا غالي أروينى

يا مالك القلب وكل الاماني

☆☆☆☆☆☆☆☆☆☆☆؛ 

مبروك علوه

حوار مع حياتي بقلم الشاعر جابر عبدالقادر

?المهم حبك عايش في قلبي؟

?جابرعبدالقادر؟

?حوار مع حياتي؟

?لو سامحتي انتي حبيبتي

التي ادور عليها من زمان

لو سامحتي ممكن اشوف

جمال عيونك علشان انا

عارف حبيبتي من عيونها

الجميله لو سامحتي ممكن

اتحدث معكي علشان انا

عارف حبيبتي من كلامها

معايه لو سامحتي ممكن لمس

ا يدك علشان انا عارف احساس

حبيبتي من ا يديها لو سامحتي

ممكن اشوفك من امامك علشان

انا عارف حبيبتي من جمال جسمها --

ليه متعرفش حبيبتك غير

من جسمها انا اسفه ليس

انا التي و مش ارد عليك

انا مش حبيبتك انت غلطان

حبيبي هو يعرفني من بعيد

ويعرف صوتي انت لا تعرفني

غير من عيوني طب انا لبس نظارة

علشان لا تعرفني من عيوني حبيبي

انت غلطان في العنوان انا مش حبيبتك -

- طب ممكن اشوفك كويس

وانا امشي علي طول وانا

لا اديقك تاني بس اشوفك

اخر طلب اقول ليكي ايه مش

عاوزه اشوفك طب انا امشي

باي انا ماشي انا مشيت --

انت مشيت تعاله هنا انا

عارفاك لا تمشي وعارفه بانك

عارفني كويس حبيبي عارف

لو فعلا مشيت كنت اموتك حبيبي

انا بحبلك اكتر من نفسي هو

انا اقدر لا اشوفك ابدا يا حبيبي

انت معايه في قلبي وروحي وعمري

واحب اشوفك امامي علي طول --

انتي فكرك انا مش عرفك ليه يعني

انا شايفك من بعيد واعرفك لو انتي

في وسط مليون واحدة حبيبتي انتي

السعاده كلة انتي املي وقلبي انتي

العمر الجميل بحبك يا اجمل انسانه

في الكون انا من غيرك لا اعرف

اعيش بحبك ولو في اكتر من الحب

تكوني انتي حياتي وعمري تعالي

يلا بين الي المكان الذي شوفتك في

وهناك اكلمك في كل حاجه تعالي

يلا بين ايه مالك عاوزه ايه طب

هناك لا احد يعرف حاجة بحبك اوي اوي؟

?جابر عبد القادر؟?28/3/2016

تحيه وسلام بقلم الشاعر محمودصلاح السيد

**** تحيه و سلام ****

بصبح وأمسي 

ودحرج سلامي

تطنش وماتردش 

وفى طريقك ماشي

أنت بايع وأنا لك شاري

ماترد التحيه أو أفهم كلامي

بتنسى سلامي وكلامي

قلبك دا قاسي

وتجرحني وتتجاهل مشاعري

ودائما كسفني

أكيد أنت عارفني ونكرني

علشان أنت عاصي

ماتجرب تعاتبني بين أهلى وناسي

الكل هنا فهمك وعلى الدور كله راسي

طيب ليه بتظلمني

ولادارى بإحساسي

لوتقف توجهني

هتقول لى حقك على رأسي

وساعتها نظرتي لك هتتغير 

من أحتياطي لإنسان فى حياتي أساسي

بقلمي/محمودصلاح السيد23/3/2016

عتاب غجريه بقلم الشاعر رفعت شحاته

------------------------ عتاب غجرية ---------------------------

لية حكاوي يالى غاوى

في عشق ليل المزامير

النية بيتا وهو ناوي

والبحر كان زي الغدير

حلو الكلام لما عزمني

ووصة ليل الشوق هزمني

اقول يا مين اللى اتهمني

ب نظرة وحسابها العسير

بيعني وبسعره غلبني

وقلي فية اوعي تعلي

اعتب على الكاتب وملي

ويقول دا يقراه الضرير

معدشي فيا اصبر وكابر

والعين تطوف بين المعابر

اسئل علية تاية وعابر

ودا مين يعين صبر الاسير

وشكرا الشاعر رفعت شحاتة

مين اللي قال بقلم الشاعر سعيد عبدالقادر السيد

الأربعاء : 23/3/2016 

الساعه : 10،50 صباحآ 

♥ سعيد عبد القادر السيد ♥ 

$ شعر عاميه $

$ مين اللي قال $

مين اللي قال 

مالوش وجود 

الأب هو أساس و عمود 

الأسره لما تبقى سعيده 

يبقى الأب بحنانه يجود 

مين اللي قال 

مالوش وجود 

بس هو حظه قليل 

ذكره الرسول بدون تجميل 

مره واحده مش كتير 

و إحنا بحكمه راضيين بجميل 

مين اللي قال 

مالوش وجود 

لكن الدنيا أسيه عليه 

كل حاجه تنسبها إليه 

رغم الأم من حواليه 

هى اديها كمان بأديه 

مين اللي قال 

مالوش وجود 

الدنيا دايمآ بكل عام 

بعيد الأم تهيص إعلام 

و هاج و ما تفرح أيام 

مين اللي قال 

مالوش وجود 

لكن الأب مالوشي عيد 

نفتكره فيه و لو بنشيد 

نشيد بحبه نقول و نعيد 

مش يبقى نكره جنب الحيط 

مين اللي قال 

مالوش وجود 

يا ريت يا حوا و إعلام العالم 

شوية ذكر للأب الحالم 

إنه ينول منكو معالم 

لو سنه مره يحس الجود 

مين اللي قال

مالوش وجود 

هو يا ناس كله شعور 

يحب الأسره عليها غيور 

الأب ليهم شعاع و نور 

مين اللي قال 

مالوش وجود

♥♡♥ كلمات 

سعيد 

ش / ش 

الشرابيه / الشرقيه 

القاهره / أبو حماد

كفايه يا قلبي بقلم الشاعر مبروك علوه

☆(كفايه ياقلبي)☆

أما انت بتحبها طب ليه جرحتها

لو كنت بتخاف عليها مكنتش عذبتها

ابدعت فى ذلها وجرحت قلبها

وبتقول بتغير عليها وفى لحظه بعتها

وكتير اهملتها وكمان خونتها

كنت عايش لنفسك وناسى حقها

طمعان فى كل حاجه حتى لو مش ليك

عايش وحدك فى غابه والكل ما بين إيديك

بتجرح مليون مره ومصعبتش يوم عليك

وعلشان إنها بتحبك كانت ديمآ ترضيك

وأنت قاسى عليها والله خساره فيك

بتغدر فى ثوانى وبتنسى اللى عليك

وتروح لحضن تانى وفى قلبك 100شريك

صحيح غداريا قلبى بتبيع اللي شاريك

من حقها تنساك وتنسى كمان ذكراك

وتدور على قلب تانى ما يكونش حبه هلاك

ما أنت عايز تلاقى كل القلوب حواليك

بلاش ياقلبى كفايه والله حرام عليك

☆☆☆☆☆☆☆☆☆☆☆☆؛

مبروك علوه

الشاعر رشاد الدهشوري

الى الشجرةالتى اثمرت..واحتوت اجمل عش

يا انا .

.يا دعوة امى بعد صلاة الفجر

بان يرزقنى اللة بليلة فدر

ياكل شموس الدنيا..

يا اجمل بدر...

يا كل قصائدشعرى.

من اول سطر لاخرسطر

يازهرة ازهار الدنيا..

يا من تهبين للازهار العطر..

يا ارض حبلى بالخير

انت سيدة كل النساء..

يا حرف الحاء وحرف الباء

وهبتك اسمى..

وهبتنى الحب صباحا ومساء

يا كنز اعطانى اللة

يا فرحة اطفالى السعداء.

اسعدك اللة

.........................................رشاد الدهشورى

رساله للخونه بقلم الشاعر محمد رمضان

** - رسالة للخَوَنَة - **

يا اللي انتوا

بِعْتوا الوطن ...

وطنا مش 

للبيع .

حُب الوطن

ده ف دمنا ...

و ف دم كل

رضيع .

يا كلاب 

و راضعين

م الشيطان ...

والأصل واطي

وَضِيع .

مصر في

حِفظ الله ...

وعُمرهااااا

ما ح تِضِيعْ .

بقلبي و قلمي في 2 / 7 / 2015 

محمد رمضان

صغير في اللفه بقلم الشاعر محمود صلاح السيد

**** صغير فى اللفه****

شالتك وأنت صغير فى اللفه 

وفرحتها بك ماتتوصف كانت فارقه 

ولفتك ميت لفه 

خايفه عليك من التعب والبرد والكحه

وشمستك فى شمس الضحي الهاديه

علشان تأخذ فتامين وتدفأ

وبعدت عن لهيب الشمس الحارقه

بتنظر إليك بخوف ولهفه

ولو زحفت بعيد عنها تتفزع وتدور عليك فى كل حته

ولما عديت فى شهورك سته وسبعه وتسعه 

شالتك على الكتف وبرجلك تدير الدفه

خيفه عليك من الأرض لتقع بك تتكفى

وتعبت كتفها من الشايل حتى لوهى بعفيه

وخلعت طرحتها ولعبت بضافيرها ورأسها كثير

لكن مش مضيقه ولا أشتكت ولامعها فرقه

وبتدارى عليك من عيون الحساد 

ومن العيون السارقه 

فتره من عمرك أيام زمان مش فكرها لكن عشتها 

وفى النهايه لاتنساها من صالح الدعاء قبل ماتتوفى

بقلمي / محمود صلاح السيد 21/3/2016

شايقين حلاوه مصر بقلم م/ محمد الجوجري 

شافين حلاوة مصر... م/ محمد الجوجرى

شافين حلاوة مصر

أهرامها جَنب البُرج

سامعين آدان الفجر

ولحن الناى والأورج

ــــــــــــــــــــــــــــــــــــــ

كلِمنا ياأبو الهول 

إزاى حَميت النهر 

والغنوا ويا الليل

سهران طول العمر

ـــــــــــــــــــــــــــــــــــــ

يامركِِبى شُقى النهر 

بشراعك الجميل مِيلى

أنا عشِقت الصبر

شيلى حمولى شيلى

ــــــــــــــــــــــــــــــــــــ

القلعه تقول للأزهر

نَّور حروف السَطر

أنتا المناره الأشهر

والعِِلم فيك بَحر

ـــــــــــــــــــــــــــــــــــ

يانيل يا مُلهم العُشاق

عروستك ساكنه القَصر

إحنا لمَيتَك نِشتاق

والزرع ويا الزهر

ـــــــــــــــــــــــــــــــــــ

رمسيس راح للثغر

قاله أنا واقف

لكل عادى قبر

خليك شاهد وشايف

ـــــــــــــــــــــــــــــــــــــ

يا لويس المنصوره فاكره

أسرََك وكسرَك كان نََدر

ووفََت وكانت قادره

ِتقهر جيوشك قَهر

ــــــــــــــــــــــــــــــــــــــــ

يا بورسعيد تِسلمى

وقِفتى زى الصقر 

للثلاثى الغشيم عَلِمى

إزاى يكون النصر

ــــــــــــــــــــــــــــــــ

يا قناطر محمد على 

فوق النيل جِسر

قََسمى المَيه وإنجلى

شاهد عليكى العصر

ــــــــــــــــــــــــــــــــــــ

حلاوتك يا أم الدنيا

لايق عليكى يا بدر

عظمتك لسه جايه

ضِحكتك وابتسامتك سحر

فرحتي بقلم محمود صلاح السيد 

**** فرحتي بها أجلتها ****

جبت الشموع ووزعتها 

وفى كل مكان غرستها

من نار حبي ولعتها 

تحيه من قلبي لقلبها

وبشوق ولهفه ناديت عليها

وقعدت وحدي مشغول عليها

علشان تيجى وأقول لها 

فى الدنيا طولها وعرضها 

مش لاقي أبدا زيها

أسرتني هى بسحرها 

وبحسنها وطيبة قلبها

لازم تعرف أنها

ملاكي هي بحبها

بحلوها ومرها 

عندي بالدنيا كلها

تأخرت كثير فقدتها

إنطفأت شموعي كلها 

وفرحتي بها أجلتها

لما تطلع شمسها

بقلمي /محمودصلاح السيد16/3/2016

بكتب في حروفي وبتأني 
بقلم ...... محمدالباز
بكتب في حروفي
وبتأني 
وبقول ياخوفي
ازاي اكتب 
وانتي اللي هتشوفي
كلامي
كله عشانك يتذوق
يا ام الحنين اللي جوايا
عشانك في قلبي بروق
ماانتي اللي بيكي هوايا
يطير نسمة علي الخدين
ترسم ضحكة ورمش العين
يتكحل بصورتك فيه
ويشوفك قمر لياليه
اقول معجب
اقول حابك
اقول عاشقك
ولا شيء يقول وصفك
عايش فيها وعلي يدك
كتير ازهق واتنرفز
وضميني بحنية
واقولك يااما متعصب
تقولي انت ياعنيا
ارمي همك واقلب
وعيش دنيتك ديا
فرحة ومني خليك هنا
في قلبي واوعي تتغرب
عارفاك انك بتتعصب
لكن دايما لاحضاني
فاتحة وليك يا كياني
عمري مرة ماراح اقفل
من صغرك وانت بتزلزل
وبستحمل وهستحمل
ولاخرعمري انا هكمل
معاك خطوة تخطيها
وضحكة امل بترويها
تقول ابعد تقول امشي
اقولك لا متجرحشي
ومتسألشي
ازاي عايشة
انا بعدك
ازاي قادرة علي بعدك
دا قلبي عليك بيتنشي
مع كل خطوة بتتمشي
تدق جوايا الهمسة
واقول يارب خليه
تزعلني
بتألمني
وبرضه عليا مبتهونشي
ومتسألشي
ازاي عايشة
كفاية ليك انا شايفة
ومش عايزة
غير شمسك وماتتمسي
عدي كتير ياامايا
ولسة برضه جوايا
لمسة ايدك علي وشي
وضمتك ليا في صغري
كتير قووووي غلبتك
اتشاقي واتهرب
وتنادي عليا بطيبتك
يامحمد اهدي وما تقرب
من النار لجل غلاوتي
واسوق فيها واخرب
وبرضه انتي
شايلة همي
وفي قلبك تدعي
ليا بالتقوي
وتقولي دعوتك ليا
وبرضه لسة بتشاقي
وبتزيدي حنية
وضميني بزيادة
واقولك خلاص
انا خطيت
ويكون احساسك كالعادة
شهدبيرويني كلي
وتقولي مهما تبعدني
راجع تاني ل حضني
تشرب حنية كالعادة
وافتحلك كفوف فرحي
وازرعلك جناين وردي
وتاخد منها ولاتدي
ولا ازعلشي
لانك انت اللي ف قلبي
عرفت مقامك ازاي يابني
من صغرك وانت متربي
وتاخد مني ولا بتدي
ولا ازعلشي
لانك انت اللي في قلبي
ولا اقولشي
غير يسعدك ربنا ياولدي
ولا تحزنشي

/_/_/_/_/_/_/_/_/_/_/_
محمدالباز

17/3/2016

اعشقك دوما /  بقلم الشاعرفائز الربيعي

 انا اعشق فيك الثناء...
انا بعينيك قطرات ماء ...
انا بانفاسك شهيق هواء...
انا حولك حزمة ضياء...
أنا الحب وكل الاشياء...
انا بين ضفائرك حناء...
انا القلب وانت الدماء...
انا ألحان وانت غناء...
انا الطير وانت السماء....
انا بدوي وانت الصحراء...
انا شوقي صرحا للأحباء...
انا جمعت الغرام والوفاء...
اناجعلتك أميرة للسعداء...
انا توجتك بحكم القضاء...
انا لك دوما لحين الفناء...
انا لغرامك أغلى دواء....
انا النهر ولزرعك غذاء...
انا بحر ولقاربك إغراء...
انا وانت الغرام والهناء...
انا قصتي لك اهداء...
حبيبتي انت !!!

الأمل / بقلم ناهد مجدى  

 يا نسمه حب طلت علينا
بشوق وحنين طالت ليالينا
يا ريت تضحك لينا بجد
الأيام وما تزعلش حد
بنقدم لحبايبنا أ حلى ورد
ونتمنى ليهم الهنا والسعد
عايشين والأمل جوانا
ودايره التعاون جامعانا
والابتسامة هيه دوانا
ومن همومنا حاميانا
حنلاقى حاجات كتيره شاغلانا
بتظهر وتشدنا ليها فى دنيانا
فيه منها اللي على هوانا
وفيه حاجات تانيه صدانا
لكن فى النهاية نتغلب على اسانا
وندور على أحلامنا اللي ناقصانا