****(( دمع العيون ))******
***********************
دمع العيون ياهوى
والدمع غالى
وجرح قلبى استوى
بسهر الليالى
وجفن عينى انكوى
غيرلى حالى
إيه ذنبى إيه ياهوى
وماكان فى بالى
اعشق حبيبى اللى ارتوى
وموجى عالى
كانت سنينا سوا
تبنى أمالى
وماكان فى بالى ياهوى
غدر الليالى
كان الأمان لينا وطن
والفكر خالى
من أى شىء يغدربنا
عشان حلالى
وان الوصال مكتوب لنا
نعيشه دايما طوالى
أما الخصام مش طبعنا
وده اللى ولع عزالى
وكان خيالى للفضا
رايق وجالى
جاب لى معاه القضا
يمسح أمالى
أنا قولت ده مش قضا
ده رسول عزالى
شافوا حياتنا بالرضا
بيسعدلى حالى
قالوا لحد إمتى كدا
أحلامهم تلالى
جابوا الحسود ويا العدا
تحسد هلالى
منهم هلالى نفد
حاصروا دلالى
خلوا حبيبى بعد
كاره سؤالى
حتى الحنين بيتولد
بقى شىء تسالى
ودمع عينى إتوجد
وسهر الليالى
وجرح قلبى إتفرد
غطى الليالى
والآه تملى يازمن
بقت موالى
عشان حبيبى اللى ابتعد
وراح ماجالى
سألت عنه حتى الكتب
وصفوالى حالى
وقالوا هجره إنكتب
بدل أمالى
وكان عزولى السبب
حسد لحالى
وحالى من هجره اكتئب
عايش ضلالى
ياتلاى لمين قلبه انكتب
ليا واللا لعزالى
يابخت قلب اللى اتوعد
وويلى من غدر الليالى
وقلبى يستغرب إيه حصل
ده طيفه لسه فى بالى
وإزاى أعالج اللى حصل
بعدما اتهدت أمالى
وكل شىء حتى الزمن
حيرلى بالى
ولاشىء فى حياتنا يؤتمن
حتى الليالى
سابت حسودى من غيرتمن
يدمرحياتى وأمالى
أنا هعيش كل المحن
وفكرى عمره ماهوسالى
وهشكى لربى من الزمن
ومن عزول حطم لى حالى
وهعيش بجرحى باقى الزمن
أبكى حبى وأحوالى
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.