جاسر علينا الهوى..بقلم عبدالفتاح التلباني..

***(( جاير علينا الهوى ))***
**********************
جاير علينا الهوى
والزمن صبح دوار
شقيت فى كل المهن
والوضع أصبح نار
وقابلت كل المحن
وبنيت للهوى اسوار
لا حد عاد يؤتمن
ودوقت من الصاحب مرار
وشوفت كل العبر
ومشونى بالمندار
والشوق فى قلبى اتسجن
والصدق بلغ فرار
حتى النصيحة ماتت
والإخلاص سابنا وطار
صبحت حياتنا كدر
وماتت الأحرار
وعزينا فى الشهامه والنخوه
حدفنا الباقى فى النار
وحبيبى اللى وعدنى
هدم عليا الدار
وعشرة سنينى ماتشفع لى
ولقيته اتقلب غدار
حاولت سنين استحمله
لقيت كرامتى بتنهار
لملمت كل جروحى
والبكى ليل ونهار
صعبان عليا الزمن
ليه غير طباع الناس
وقتل أجمل مافينا
من الحب والإحساس
ونسينا حتى ماضينا
وقيمنا ومبادئنا وكل أساس
والغدر سكن طباعنا
وبقينا على بعض رخاص
وهدمنا مبانى كتير
خدت معاها حياتنا
وبوحنا بالأسرار
لا فيه صديق جمعنا
ولا أخ جالنا وزار
وفرحوا لما اتفرقنا
وذاعوها بطبله وطار
هى الحياه ليها معنى ؟؟؟؟
عيشنا الحياه بمرار
لا السما تبكى علينا
ولا الأرض علينا تغار
طير وانكسر جناحه
وعشه فى الهوا غبار
نستنى يشرق صباحه
ويشجينا بكام موال
لاشاف شروق صباحه
ولا طلع عليه نهار
هى حياتنا كده
والحلو فيها مرار
اكتب يازمن تاريخنا
وانشرعلى الدنيا الأخبار
حياتنا دى موعظه
وفيها للى جاى أسرار
&&&&&&&&&&
** بقلم ، عبدالفتاح التلبانى **
***********************