المشهد الاول من اوبريت
انت عاجبنى
واحد ماشى فى حاله ...ولا على باله
جنب الحيطة وسط الزيطة....سمع موال
من الشباك بنت عفية ... صوت جنية
وقف فى الحال بص يمين ...بص شمال
من البلكونة وقفت تضحك ... بص عليها
مالت حبه ومسكت وردة... رمتها عليه
مسك الوردة شم عبيرها ...ضحكت ضحكة
بص عليها غمزت غمزة ... بطرف عينيها
وقع فى الحال صرخت صرخة ... اتلم عليه
نسوان الحارة وقلبوا فيه... قالوا يالهوى
وقع الواد فى هوى السنيورة... قام يتنفض
بص لفوق قال, فينك باغزال... انا حبيتك
ضحكت ضحكة, جه ابوها يجرى ....قاله تعالى
نشرب شاى, فى البيت عندى... وشد ايدية
يلا يا أبنى, قام متلخبط ... قالوا يابيه
انا مش قصدى, إنى أتجوز... رد أبوها
وقال طب ليه, ترفع عينك .... عاالبلكونة
وتنادى كدة, عا السنيورة ... بنتى الغالية
قالوا يابيه , مسكتنى من قلبى الخالى ...من غير مادرا
وانا بالحق , ياعمى مفلس ,,, وماليش شغله
قالوا خلاص, لجل صراحتك... راح تتجوز
من بنتى السنيورة, دى هيه... مادمت عاجبها
وانا عندى, اوضه بمنافعها....ولأجل عيونها
من بدرى , تعالى شمر واجرى... بقدرة فول
بص الواد, كده عالسنيورة ... وقال يا غزال
ترضى تتجوزى , واحد على قد الحال ... كان
ماشى فى حاله, ولا على باله ... سمع موال
قالت ايوه , انا عارفاك كنت بشوفك ....م الشباك
انت عاجبنى
بقلم / عصام سعد زغلول ...البقية تأتى
23/5/2016
المشهد الثانى من ...انت عاجبنى
قالت ايوه انا عارفاك كنت بشوفك ... من الشباك
انت عاجبنى
راح جرى ابوها , من الشباك ... بص ونادى
قال يا ولاد حد يروح على آخر... الشارع
ينده لى عيسى السواق
رد عليه عبد الخالق قالوا ليه
قولى قوام ايه .... حصل ايه
قالوا ما فيش عايزه يروح يجيب ... المأذون
لاجل مايكتب هالسنيورة فى .....نفس اليوم
قالوا بحق , واحد ماشى فى ...حاله
وانت قوام ...هتجوزهالو
اما صحيح ,راجل خرفان
بقى ده ... اسمه كلام
دا السنيوره دى بنت الحتة .... واجمل واحده
مش هانسبها كدة تتجوز ...كدة على غفله
نط عليه الواد مرزوق ... وقالو
حاسب كده ياض .....فووق
بتقول ايه على سييد الناس
راجل مجنون ....او خرفان
دا انت صحيح راجل سكران
ومش دريان .... حاسب كده فووق
قالو خلاص انا ماشى يا عم
وماليش فيه ... حاجة تغم
قال الواد مرزوق يامعلم
حالا راح اجيب ... المأذون
وابعت للواد قوره.... ينادى
اهل عريسنا .... من الناحية دى
ده ابوه راجل شهم ومجدع
مش هايمانع فى .... الجوازا دى
بقلم / عصام سعد زغلول
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.