انا ابن النيل..بقلم جبريل رضواان..

انا ابن النيل
اااااااااااا
انا ابن النيل انا الموال
انا غنوة ف حدوته
باكل طقة واجوع طقة
وساعات باكل على النوتة
ومستحمل عشان بلدي
تعيش حلوة ومبسوطة
ومهما عيال جرحوها
حتفضل جامدة مشدودة
وعايشنها وعيشانا جيرانا
حنا وشندودة
وياما ناس وقفولنا
وخلوا السكة مسدودة
وخطينا صعاب ياما
مدام خطاوينا ممدودة
مفيش حاجة تفرقنا
مدام ايادينا ممدودة
بلدنا حلوة ياعالم
بلدنا احلى قطقوطة
ااااااااااااااا
انا ابن النيل وعايزني
اتوه وارجع عن السكة
وواقفنلي ف كل طريق
عشان يموتوا الضحكة
وناس قاعدة وبتخطط
وقاعدنلي على الدكة
وانا حامد ربنا وراضي
ولو حاعيش على الفكة
واي سدود تقابلنا
ماتيجي ندكها دكة
اااااااااااااااا
انا ابن النيل بنيت
الاهرامات والسد
انا ف صمودي مش
عادي ولايقدر عليه حد
ولا عمري بالين ابدا
ولو لأن الجبل واتهد
بالم جروحي ف لحظة
ونتجمع ف ساعة الجد
ولا باضعف ولا اتحايل
ولا امدش ايدية لحد
ااااااااااااااااا
جبريل رضوان