اخلاق زمان
اااااااااااا
يافالح ف المعاكسة
وباصص ع الجيران
شهامتك قين ياراجل
وفين اخلاق زمان
ماتعقل حبة يابني
وتبطل الجنان
لو في حبة كرامة
تحافظ ع المكان
ونخاف على بعض دايما
ونحافظ ع المكان
ونراعي بعض دايما
ونراعي حق الجيران
بنمصمص ليه الشفايف
ونقول ده كان زمان
لو نرجع للمبادىء
حنحس بطعم الايمان
والدنيا كمان تسيعنا
مهما داق المكان
ونرجع للجوامع لما
نسمع أدان
عشان قلوبنا تصفى
ويملاها ألايمان
والكل يكون ف واحد
ويكسينا الحنان
لو لسه فيه شهامه
مانحسش بالهوان
بنشوف حاجات غريبة
مشفنهاش زمان
الكل عايش ف حاله
وقافلين البيبان
كنا زمان بنطبخ
ونخبط ع الجيران
وساعة الشدة نجري
الكل يظهر يبان
امتى الشهامة ترجع
امتى يؤن الأوان
ونلم بعض تاني
ويملانا الحنان
ااااااااااااااا
جبريل رضوان
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.