طبق لسان الصمت بقلم الاستاذ المبدع // عمرو اللمعي

طبق لسان الصمت ادفنه بين الضلوع
اخطف حكاوي المغرمين المدفونين
اعمل سبوع
وزع عليهم بومبوني وفشار وورد
اعمل دعاوي كتير ل ناس بتحبهم
بس اوعي تنسي تقولهم
انهم ومن النهارده زادوا واحد
وان امه لسه قايمه بالسلامه
وانها لولا الملامه
تلبسوا دهب وورد
وانك انت تعبت ياما ف خلفته
ودنيته قافله ف وشك الف باب
كل اما تفتح باب تلاقي ف وشه باب
وان التراب مستني ياخد لفته
بس انت اجري كلفته
وعشان تشوف ضحكته
طبق لسان الصمت ادفنه بين الضلوع
‫#‏عمرواللمعي‬