بقلمي / محمود السيد مسعود ( شعر عامي ) 29/2/2016م سرسبة ضي .....مجله رواد الغد الثقافية

سرسبة ضي .....

ـــــــــــــــــــــــــــــــ

بادور عليكي 

وسط الزحمة 

وفي العتمة 

دايما ألاقيك 

محشورة جوه 

شقوق الليل 

أو متعلقة 

في ضي قنديل 

والا في ضحكة 

طفل لسه بريء 

وبتخديني لعوالم 

مافيهاش ليل

وبنسبح في سحابة 

مفيهاش أمطار

ونفضل علي كده

سايحين في الأفكار

والروح بتبوح

لحد ماتنوح

علي وردة

فاتها النهار

في أجندتي

مكتوبة سطور بدمي العاشق

وانا فيكي سرحان

وبستني .............

سرسبة ضي منك

يفتحلي ببان الأسرار

ـــــــــــــــــــــــــــــــــــــــــــــــــــــــــ 

بقلمي / محمود السيد مسعود ( شعر عامي ) 29/2/2016م