مجله رواد الغد الثقافية

لعنه كره القدم بقلم المهدي العمري الخائف من الظلم

لَعْنَة كرة القدم:

الْكُرَة صَارْتْ مْرْعُوبَة

فْعَالَمْ حَاقْدْ مْجْنُونْ

تَايْهَة نَاسُو فْدْرُوبَة

فْزْمَانْ تَافْهْ مْلْعُونْ

نَاسْ تْحْبّْ الْكُرَة

هِيَ لِّي تْبَانْ فْالصُّورَة

يْكْسُّرُوا دِيمَا التِّيرَانْ

نْفُوسْهُمْ حَاقْدَة مْجْعُورَة

وْ قْلُوبْهُمْ شَاعْلَة نِيرَانْ

مْنِينْ يْرْبْحْ فَرِيقْهُمْ

تْلْقَى بْنَادْمْ فْرْحَانْ

للخْسَارَة الْفَرِيقْ يْسُوقْهُمْ

ذِيكْ بْنَادْمْ فْالتِّيرَانْ

مْنْ الأَخلْاَقْ يْصِيرْ عْرْيَانْ

وْ فْالدَّمَارْ أَكْبَرْ فْنَّانْ

رَاهُمْ يْبْغِيوْا الْكُرَة

كْثْرْ مْنْ الْعَالِي الرَّحْمَانْ

وْ هَذَا غَبَاءْ عْظِيمْ

مْنْ بَنِي الإنْسَانْ

هَذَا رَاهْ مْسْخُوطْ

فْالْخْسَارَة يْصِيرْ يْسُوطْ

حَيَّا عَلَى الانْتِقَامْ

مَا بْقَى لاَ خِيرْ لاَ سْلاَمْ

نْشُوفُوا فْالتِّيرَانْ

عَالَمْ كُلُّو إِجْرَامْ

فَرِيقْكْ كُنْتِي تْشْجّْعْ

وْ جِسْمْكْ أَحْلَى الأَجْسَامْ

يْصِيرْ مُعَاقْ مْفْرْكْعْ

خْرْجْتِي مْدْكْدْكْ الْعْظَامْ

عْبْدْ الرّْحْمَانْ حْسْنْ

مَا كَايْنْ غِيرْ الرّْحْمَانْ

هُوَ لِّي عْلِيكْ يْحْنّْ

فْخِيرْ تْعِيشْ وْ سَلاَمْ

مْعَ الْكُرَة أنْتَ مّْحّْنْ

وْ نَاسِي دِينْ الإِسْلاَمْ.

..........................من توقيع/الخائف من الظلم المهدي العمري.