مجله رواد الغد الثقافية

المبدع المهدي العمري {الخائف من الظلم}

الحب؟:

هُوَ فْالْحُبّ يْقُولْ كْلْمَة

يْعْزْفْهَا بْكْذْبَة وْ يْجِيدْ النّْغْمَة

قْلْبُو كْذَّابْ يْقُولْ لِّيهَا نْحْبّْكْ

مْخْفِّي نْفْسُو فْنِفَاقْ وْ ظْلْمَة

عَالِي الشّْهْوَة فْالدّْنْيَا غِيرْ كَا يْهْوَى

وْ هِيَ تْقُولْ لِيهْ نْحْبّْكْ

وْ أنْتَ لِّي نْحْسّْ بْرَاسِي

جْمِيلَة حَيَّة بْقُرْبْكْ

وْ هِيَ حَيَّة بْسْمّْ يْسْرِي فْالدّْمْ

يَا الْحْبِيبْ أَتْقْرْسْكْ وْ تْعْذّْبْكْ

هُمَا يْقُولُوا كْلاَمْ فْالْحُبّْ يْعَانْقْ أَوْهَامْ

لاَ حُبّْ فْقْلُوبْهُمْ غِيرْ فْسَادْهُمْ هَازّْ الأَعْلاَمْ

نْحْبّْكْ يْعِيدُوهَا وْ يْعِيدُوهَا

بْرِيحَة كَريهَة مْنْ فْمّْهُمْ يْخْرْجُوهَا

كْلْمَاتْ بْصُوتْ الشِّيطَانْ يْعْبْدُوهَا

وْ كْلْماتْ حُبّْ حْقِيقِي يْصْدُّوهَا

هَاذْ الْحُبّْ صَارْ لُعْبَة يْتْقْنُوهَا

الْحُبّْ يْعَانِي للكُرْهْ حَانِي

أَنْوَارُو فْظلْاَمْ يْدْفْنُوهَا

نْبْضَاتْ الْقْلْبْ تْصْرْخْ رَاهُمْ يْمْحّْنُوهَا

هُوَ الْحُبّْ أَدَبْ وْ أَمَلْ وْ حَيَاةْ

هُوَ الْحُبّْ صَلاَةْ وْ ذِكْرْ فْكُلّْ السَّاعَاتْ

هُوَ عِنَاقْ فْحْلاَلْ الله يْبَاتْ

هُوَ صِدْقْ بِينْ النَّاسْ حْتَّى لْلْمَمَاتْ.

...........................................من توقيع/الخائف من الظلم المهدي العمري.