علمنى ازاى انساك. بقلم/ همس الشريف*
**********************
علمنى ازاى انساك. .علمنى انسى هواك
طيفك تملى شاغلنى مطرح ماروح يقابلنى
مش عارفه اعيش من غيرك ابعدنى عن معبدك وديرك
** علمنى ازاى انساك..علمنى انسى اهواك **
حاولت انسى واعمل نفسى ناسى
نسيت انسى ولقيتك كلامى وكاسى
عملت الهوى دربى ومشيت لأخر الطريق
لقيت ذكراك طريقى وطيفك هو الرفيق
عملت ناسى وحكيت حكاوى العشق والهوى
لقيت اسمك فى كراسى وبحكى عنك وانا ناسى
** علمنى ازاى انساك..علمنى انسى هواك **
هربت من طيفك للمنام ..لقيتك فارس الاحلام بحلم
بلقياك وايامى معاك..بحلم بالجوا يجمعنا سوا
واصحى افكر فيك وانا ناسى
صبرت الشوق على بعده عشان اوفى بعهده
اتاريه حن لعادته مشى وخد قلبى معاه وعمل نفسه ناسى
ساب حبيب مجروح مدبوح بيأسى ارجع بقى يأبو قلب.قاسى
قولى ازاى انساك وانت كل اهلى وناسى
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.