قلبي وربي...بقلم هدى سيد..

قصيدة ( قلبى وربى )
بقلمي / هدى سيد
٢٠١٦/٧/٢٩

إوعى يا ولدى
ف يوم تتوضا
بدموع عينى
لأجل مراتك
إوعى تبيعنى
لأجل خاطرها
وإفتكر إنى
ف يوم ربيتك
وإفتكر إنى قبل
ما أشوفك
وإنت ف بطنى
كتيييير حبيتك
وإن طريقك كان
مفتوح لك
لاجل دعايا
ولاجل رضايا
إوعى تكون عبد
ف محرابها
أو ترمى رجولتك
على بابها
إوعاك تكسر
خاطر قلبى
خليك يا ابنى
تملييك جنبى
وإفتح بابى
وشق عليا
وإوعى تضن
بالحنية
إسال دايما يا ابنى
عليا
إوعى حياتك يوم
تلهيك
كل ما باكبر
باحتاج ليك
زى تمام حاجة
أولادك
للحنية وللمدادية
ولخوفك يا ضنايا
عليا
روح يا ابنى ربى
يراضيك
يفتح لك ١٠٠ الف
طريق
للرزق ويحبب فيك
كل الناس ويبارك
ليك
قلبى وربى راضى
عليك