المسا ...ف إسكندريه...الاديب الشاعر فوزي السيد ..

المسا ...ف إسكندريه......عيد الإسكنريه القومي
*****************
المسا....ف إسكندريه
*******************
زي نسمة صيف نديّه 
عدت علي خد القمر
ف المغربيّه
بص لها ف الحال حبها
من حسنها
قلبه إتأسر
قا م باسها بوسه ف خدها
طارت وحطت عطرها
فاح ..وإنتشر
عم البشر
يا عروسه من يومك
وماليه الكون فرح
أنا قلبي مأسور ..أو سرح
داق القمر من عشقها
عشقها زي الناس
وغني لسحرها
حالم كما قلب الصبيه
ده المسا ...ف إسكندريه
***********************
لما ضي الشمس بيلاعب ورودها
ويا موجة بحر
بترقص ف عودها
تبقي همسه ف غنوه
بتدفي الحنين
يصحي درويش يعزفه موال آهات
وألقي ف عيوني السكات
وأسطر الشعر وغرامي دندنات
تتزرع علي سطح ميه
ده المسا...ف إسكنريه
*************************
شطها ...مالي التاريخ أحداث
ممدود ...كده ..كما عروق الماس
تتحلي بيه علي صدرها
وقت ما يعدي القمر
وتروي ..قصة حب الاسكندر
عاشق ترابها
وصدرها المرمر
ولا عمر يتغير
شاف سحرها...... قام حبها
قايم ونام ..علي حجرها
عاشق واخدها معاه
ف الرايحه والجايه
ده ...المسا ف إسكندريه
****************************
أولادها ...فوق الجرح
ضحكتهم ورود
بيفرقعوا زي البارود
ناسيين هموم الدنيا
وبرغم الغيوم
يرموا الهموم
لون الشتا
محبوس من العام الي فات
عايش ف ضل الذكريات
لا يسيب جواب
ولا له عتاب
اخده السحاب
وسكينه ..مع ريهّ
ده المسا ..ف إسكنريه
************************
أيوه ...
تزين القول
تقول مين زينا
وشطوطها جنه تقول سجال
عن بحرنا ...
قنديل ....بإ يد فيروز
بيوصف قدنا
عاشقين خيوط الشمس
نطقوا الغرام بالهمس
بيرم أهاته جا يبه
من أفراح باريس
أحلام ف كيس
بدرت تقاوي الفرح
زرعتهم غنا
ماليه الشوارع والحارات
غني السكا ت من عشقنا
غنوات بهيه
ده ...المسا ف إسكندريه
*************************
إسكندراني من نعومة مشيتي
البحر زي الدم
جاري ف خلقتي
جدعان كما الجدعان
وبنزيد حبتين
عاشقين غرامها من سنين
كردان بنات بحري
ومشية قد هم
غطت علي قلبي وعليه
ده...المسا ف...إسكندريه
***************************الاديب الشاعر فوزي السيد