اللى فاكر ان بيجى
بعد الضلمة نور
لسا جوانا الف سور
لسا فى بريء جوا السجون
ايوا اهلو بيبكوا علية
لما بيشفوا الصور
لما يفتكروا اللى كان وحصل
لسا جوانا حكاوى بتنقهر
اللى فاكر بعد الضلمة نور
احنا عايشين جوا زنزانة
واللى فاكر انة حر
انتا واهم انتا غر
احنا كلنا مسجونين
متلطخين مشوشين
لسا جوا السجون برئين
لسا فى طفل بيدور
فى الوشوش
على ضحكة ابوة
لسا فى ام بتكلم ابنها
بشباك فى سور
والزيارة اللى معمول ليها تصريح
لكل فعل رد فعل صريح
احنا مسجونين جميعا
كلنا جوا الحدود كلنا فى اخدود
معمول علينا الف مبنى والف سور
واللى فاكر بعد الضلمة نور
اعرف ان جوانا سور
الشاعر يسري خليفة
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.