لويصعب قلبى على قلبك
لا تخبى وتقول مش ذنبك
أنا عايش جوه فى أفكارك
والخطوة بخطوة فى دربك
وانا باسمع النفس تلومك
وترد عليها ومش عاجبك
لازم تعرف معلومة
أنا شارى مش بايع عهدك
أنا يا ما اترجيت وعاتبتك
وطلبت أشوفك وواعدتك
ولا جيتنى وبعت رسالتك
تواسينى؟؟ يا فظاعة قلبك
خليتنى أندم على الماضى
وندمت ياروحى إن عرفتك
لكن يكفينى علامك
ودروس وتجارب مدرستك
أنا ظابط لحياتى عواطفى
هتهورر وأحرق كراستك
كان فيها اشواقك وحنينك
وكلامك بالشوق فلسفتك
أتارينى باحفظ مش فاهم
ياريتنى فهمت انك أستك
بتمط لهدفك ...بتاخودنى
وتجيبى وتقولى ماشوفتك
حيرت ..افكارى وسنينى
وانا تايه ..وتقولى غلبتك
كنت افرح واهديك تكوينى
من روحى وقلبى أخلصتك
أنا فايق وخلاص على عينى
وأنا آسف ..لو قول ودعتك
*********************
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.