لوكان بأمرى تحلى الحياة
واللى راح من عمرى ألقاه
اناغصب عنى لما قولت الآه
واللى حرمنى من حياتى معاه
كان تحت أمرى ولونعبت القاه
بس بصراحةعشت عمرى معاه
كان نور طريقى لنجم ملشى هداه
كانت حياتنا حلم اخصر اخترناه
ولو يوم يعدى يروى قلوبناهداه
كانت روحى لو غاب علياتستناه
بشوق احبه عشقهم كان تاه
ولما فجأه قرب لهم بهناه
وزين قلوبهم بعشق تتمناه
يا بخت اللى حبيبه حفظ الوداد لهواه
لما الأحبه خانت كان واصله وياه
ولما الأحبه عانت كان بلسمه وشفاه
ولما الصخور لانت حفرالهوى بشفاه
أنا لو بأمرى وبإيديا أعيش ......
واتحمل أساه ،
بس النصيب انتهى
كتب القدر حروفه ونهاه
وماتت نيران الهوى
بس اللهيب صوناه
هو الحصاد للذكرى
هو الضنى اللى خلفناه
دايما بعيش الذكرى
فى عبير الورد اللى اتبادلناه
وفى نسيم الفل بإيدينا طوقناه
وعلى جزع شجره قلبنا رسمناه
وحرفين اسمنا بنبض القلب حفرناه
والسهم صاب قلبنا كتب الهوى معناه
كتب القدرعمرنا فى الهوى وعيشناه
ولما إنتهى المقسوم كتب القدر لنا
من الهوى شهادة وفاه
وعمرنا اللى ماعيشناه سوا
حزين على الهوى اللى اتحرمناه
زعلان علينا ومننا
ومش بإيدينا زعلناه
فرض القدر على عمرنا
باقى العمر والهوى ننساه
وزى الحزين اللى امتنع
عن طعامه من الهوى صومناه
كتب القدر إسمنا وأمر القدر نفذناه
مش بأمرى ولا بإيدى قولت له
لا إله إلا الله
ومش بإيده ولا بأمره رد عليا
محمد رسول الله
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.