اعذرني ياا قلبي..

• .. اعذرني ياقلبي ..

اعذرني ياقلبي اعذرني .
لسه طيفه بيزورني .
وساكن في الخيال ..

نفسي نطير طياره .
نطلع فوق سطح عماره .
نلعب زي العيال ..

يضم حضنه لحضني .
ولدنيا الخيال ياخدني .
وكفايه راحه البال ..

نعيش العمر اللي ضاع .
من غير وجع صداع .
ولانبكي بالموال ..

نبني من الرمله بيت .
من غير عمدان ولا حيط .
تيجي الميه عليه .
يطير يمين وشمال ..

نركب مركب كبيره .
ترسي في اي مينا .
وننسي كل اللي قال ..

يالا حبيبي خدني .
ولدنيا تانيه ابعدني .
قبل العمر مايضيع .

هات ايدك بايدي .
يجري الدم بوريدي .
ولا فيه شئ مُحال ..

اعذرني ياقلبي اعذرني .
لسه طيفه بيزورني .
وساكن في الخيال ..
وساكن في الخيال ...
فتحي وجيه