سندي فى الدنيا ودراعي اليمين
بكتب لك رسالة وبحكي القديم
نفسي ياأخي أرد الجميل
وتعيش ياأصيل
أدى لك وسام أوأنحت لك تمثال
يكون مكانه فى ميدان عام
شهم وكريم وأدي الدليل
خدت بأيدينا لطريق مستقيم
ضحيت على شانا وتعبت كتير
مع أبونا شلت الحمل التقيل
غرست فينا الهمه بضمير
مفيش عندك طريق مستحيل
بعد ربك وأبونا كنت لنا نعم المعين
تشجع وتنصح عطائك غزير
ولا يوم ملليت مع أنك فى العمرصغير
لكن فى عيونا شيفينك كبير
حرمت نفسك من أمل التعليم
ولعب الطفوله ورضيت بالقليل
عيشتنا بين الناس مستورين
وماتحوجناش لحد قاسي أو لائيم
فردت جناحك علينا تدرينا
ووقفت تواجه لوحدك وأحنا كنا صغيرين
فى مهب الريح الشديده
بعود صلب ناشف متين
لكن قلبك أخضر أصيل
حفظت ﻷمك وصية زمان
ورديت لها فينا الجميل
وبفضلك أصبحنا من أعلام الجيل
وغرست فينا القيم والعلم الجليل
دعت لك أمنا بالفوز المبين
تكون من أهل جنة النعيم
فى الدنيا فيه أمثال كتير
تضحي وتبذل عطائها عظيم
وأخي الكبير أكبر دليل
يمكن فى زمانا ملوش مثيل ولا له بديل
هديه ونعمه من رب العالمين
ولو لك أخ أتمسك به وأحتمي فيه
لوخسرته تجيبوا تاني منين
واللى ملوش أخ ربك يعوض عليه
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.