معاد بقلم الشاعر الرائع علي حافظ
*معاد****
كان فيه صاحب ليه
قال ها يجينى يعدى عليه
لقيتنى واقف جنب القهوه
قلت اريح رجلى شويه
*****
قالى القهوجى شرفت يابيه
قولى يا باشا تشرب ايه
قلت هات واحد ينسون
وزيد السكر فيه وحليه
*******
جنبى واحد قاعد بجريده
قلت اقرا لى حاجه مفيده
لقيت عنوان بخط عريض
وتحت منه صوره عجيبه
******
واحد نصاب لاقيته بقى بيه
وناس كتير ملمومه عليه
هو صحيح اتغير حبه
العز والجاه بانوا عليه
*******
لقيتنى با ضرب كف بكف
ودماغى لاقيتها دايره تلف
هى الدنيا ماشيه اذاى
حاجه تخلى العقل يخف
********
قلت ياناس انا عارفه كويس
قلولى انا فايق والا ب اهيس
هى الدنيا حالها اتشقلب
النصاب بقى باشا ياريس
******
جا نى صاحبى وانا سرحان
حتى نسيت شكله كمان
قالى مالك فى ايه
شكلك باين كده نعسان
*****
قلت له فاكر الواد ِسنه
اللى كا نصبُه مِجننا
الوقتى يا عم م الاعيان
وبقى على ايده نقش الحنه
******
قالى ولا تتعجب ولا تتحير
كل شىء فى الدنيا اتغير
بس الحق ها يفضل حق
عُمر مساره ما يوم يتغير
*******************
على حافظ
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.