الشاعر الرائع محمدالباز
الصح اسلوب حياه
/_/_/_/_/_/_/_/_/_
ماشي وبحسب خطوتي
ازاي اعيش في دنيتي
اكون غريب في سكتي
ولا امسح بايدي دمعتي
وشوش كتير في أيامي
عايشة تقتل ل احلامي
تعبت اووووي انا منهم
كل مااحاول اسيبهم
الاقهم نطوا قدامي
يادنيا ليه فيكي الاصيل
يمشي الخطوة الف ميل
صدقه جواه دليل
وهو نفسه فارس نبيل
بيعيش حياته دايما نهار
ومالوش في خطاوي الليل
حتي جراحه لو انهار
حامد ربه ولو عليل
ده الصح اسلوب حياه
للي يختار الاتجاه
ويمشي فيه بضمير
مايقولش مرة انا أسير
ده الورد جنب الشوك
ودايما ليه العبير
حتي العيشة بالتدبير
مسيرها تكون احلي
وتعدي أوقات صعبة
ولازم الضمير يقوي
ويمسح من جواه اليأس
لان الاصيل دايما يحس
والندل ماليه الهمس
دنيا غريبة وعايشنها
لكن لازم نعديها
حتي ظروفنا نهونها
ونعدي خطوة بعديها
حن عليايازمان
ومتسبش من ايدك اللجام
مش عايز غير الامان
وحبة تقدير واحترام
/_/_/_/_/_/_/_/_/_
محمدالباز
3/2/2016
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.