الشاعر الرائع علي حافظ
.***** قصيدتى *********
قصيدتى خلاص جفت
.......................................وجهزتها للنشر
عمال انشف فيها
..................................... من امبارح العصر
كل شويه يا ناس
................................. عمال اعصرها عصر
عشان حبيبتى الغاليه
.......................................... ام الدنيا مصر
*********
يا مصر فيكى العجب
................................. تشوفه العيون الوان
فيكى يموت الجدع
.................................... شهيد فدا الاوطان
على ايد واطى خسيس
............................... خاين مالوهشى امان
يبيع وطنه ودينه
........................................ بأرخص الاتمان
ما يشبعوش غير دم
................................ تقول دا ديب سعران
********
يا مصر فيكى العجب
...................................تشوفه العيون الوان
فيكى اللى يبات
..................................... باطنه خاويه جعان
وناس م الشبع والتخمه
.....................................عقولها جالها جنان
واللى فى الكابريه
...................................بإقزازه وكاس سكران
واللى مقضيها عربده
................................ وماشى ورا الشيطان
واللى ليله صاحى
....................................ساجدطاعه للرحمن
ولسانه دايما رطب
............................................بالذكر والقران
وقلبه مليان محبه
.............................................وعامر بالإيمان
***************
يا مصر فيكى العجب
......................................تشوفه العيون الوان
وشباب مات حلمها
........................................... قبل الأوان بأوان
وحراميه م التهبيش
.......................................... بقوا رمز وعنوان
وشريف ورا القضبان
...................................... وعليه ميت سجان
*************
يا مصر فيكى العجب
.......................................تشوفه العيون الوان
والله بحبك يابلد
....................................... وحبك مالى الوجدان
ونيلك بيجرى دمى
........................................... بالقلب والشريان
وخوفى عليكى يابلد
...........................................م الجهل والطغيان
نفسى اشوفك يا بلد
.................................................اجمل البلدان
ورده عبيرها يفوح
............................................تكون زينة البستان
*********
على حافظ
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.