الشاعر م الجوجري الجوجري
تمرد حلاق ( عمرو الجوجرى)
حلاق بلدنـــــــا حَلــف
ماهُـــو مشتَغل حــلاق
بــاع دكانــــــه وعزف
عنهــا وقَطّــع الأوراق
صاحبنــــــا كان إنـــف
ساب الحلاقـــــه وراق
عايز حيـــــــاة الترف
وفكـــــر يشتغل سواق
باع عدته وهتــــــــف
تُكــــــالى على الرزاق
إشترى توكتوك ووقف
يستنى فى الأســـــواق
ولمـــــــــا ريقه نشـف
طعميــــه وفول حراق
والوضع معاه إختلــف
يوماتى زعيق وخنـــاق
من لف الشوارع قرف
حاره وميدان وذقــــاق
من نََفسه راح إنكسف
واتعصب وخُلقــه داق
حياتـــــــه كانت نجف
وللشياكه كـــان سباق
دلوقتى إدين وإستلـف
رجــــع لعقلــه وفـــاق
قُدام زباينه إنكشـــــف
وللحلاقه رجع يشتـاق
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.