مجله رواد الغد الثقافية

الشاعر الرائع المهدي العمري {الخائف من الظلم}

فِي الظَّاهِرِ اتِّفَاقْ وْ فِي الْحَقِيقَة نِفَاقْ:

زُوجْ صْحَابَاتْ يْضْحْكُوا

وْ الضّْحْكَة مْسْمُومَة

لِّي فْالنّْفْسْ مَا يْبَانْ

حِقْدْ وْ كُرْهْ وْ لُومَة

تْقُولْ وْحْدَة فْنْفْسْهَا

هَاذِي صَاحْبَة مْشْؤُومَة

وْ الأُخْرَى تْقُولْ هَاذِي لْفْعَى

وْ دَايْرَة رَاسْهَا مْضْيُومَة

صْحَابَاتْ فْالكْذُوبْ وْ البُهْتَانْ

فْعَبَثْ وْ غِيرْ رْمِي الْكْلاَمْ

بْرْكْكْ وْ اغْتَابْ وْ سْلّْمْ و ابْتَسْمْ

بْأَنْيَابْ حِقْدْ مْسْمُومَة

تْغْيِيرْ النّْفْسْ صْعِيبْ

أَكْبَرْ جِهَادْ

وْ الْقُرْءَانْ لِينَا طْبِيبْ

وْ مْعَاهْ الْبِعَادْ

وْ الْجَهْلْ حْبِيبْ

وْ نْفُوسْنَا فْعِنَادْ

وْ الْعِلْمْ طْرِيقُو صْعِيبْ

وْ الضَّمِيرْ فْسَوَادْ

وْ الرّْحْمَة ذُّوبْ

وْ فْسَادْنَا سَادْ

يْبَانْ الْقْلْبْ عْلَى الْقْلْبْ

وْ الْحُبّْ كْبِيرْ مَا بْحَالُو حُبّْ

وْ هِيَ جْمْرَة حِقْدْ تْقِيدْ 

تْغْرّْقْ النَّاسْ فْكُلّْ دَرْبْ

تْطْفَى...هَذَا أَمَلْ بْعِيدْ

هَاذْ الْبَشَرْ ظَالْمْ وْ عَنِيدْ

تْصَاحْبْ وْ حْضِي مْعَ رَاسْكْ

لِّي تْأْلّْمْ مَاشِي ضْرْبَة عَدُوّْ شْدِيدْ

هِيَ لِّي تْأْلّْمْ ضْرْبَة حْبِيبْ

قْرِيبْ وْ مْعَاهْ انْتَ سَعِيدْ.

...............................من توقيع/الخائف من الظلم المهدي العمري.