يَا حْرْقْةْ قْلْبِي عْلَى مُرَاهِقَاتْ......... بقلم الاستاذ // المهدي العمري

يَا حْرْقْةْ قْلْبِي عْلَى مُرَاهِقَاتْ:أغنية شعبية:
مُرَاهِقَة فْالتّْلْفَة
دِيمَا تْنْسِّي فْالْخْفَا
مَشَاكِلْ بِهَا تْحْتَارْ
تْعِيشْهَا دِيمَا فْالدَّارْ
بًّاهَا صْعِيبْ دِيمَا يْضْرْبْ
يْصْرْخْ فِيهُمْ وْ يْخْرّْبْ
وْ أَخْ يْزِيدْهَا فْالْخْنْقَة
وْ هُوَ كْلُوشَّارْ فْالزّْنْقَة
دَايْرْ فِيهَا مْتْدِيّْنْ
مْنْ دِينْ الإِسْلاَمْ يْشْرْبْ
وْ أُمّْهَا الْخُوفْ مْوْلّْفَة
مَا قَادْرَة عْلَى هَاذْ الْحَرْبْ
مُرَاهِقَة مَا لِيهَا صُوتْ
تْخْرْجْ تَايْهَة فْضِيقَة
فْحْلْقْهَا وْ صْدْرْهَا حُرْقَة
تْنْشْطْ تْضْحْكْ تْلْعْبْ
تْحْسّْ فْدْمّْهَا يْسْرِي الْمُوتْ
تْبَانْ عَاقْلَة وْ حْمْقَة
الْمَشَاكِلْ كْثَارْ كْثَارْ
وْ ابْنَادْمْ ظَالْمْ حْكَّارْ
وْ إِحْسَاسْهَا رْهِيفْ يْدّْمّْرْ
يْصِيرْ الْفْسَادْ لِيهَا شِعَارْ
تْبْغِي بِهْ تْنْسِّي الْمَشَاكِلْ لِّي فْالدَّارْ
بْالْمْصَاحْبَة تْوْلِّي تْرْحّْبْ
مْنْ شَرَفْهَا صَاحْبْهَا يْشْرْبْ
بَاغْيَة تْنْسِّي بْالْحُبّْ
يْزِيدْ ذُلّْهَا وْ الدَّمَارْ
يَا حْرْقْةْ قْلْبِي عْلَى مُرَاهِقَاتْ
يْتْمْنَّاوْا آمَالْ وْ أَحْلاَمْ
يْتْحْقْقُوا لِيهُمْ فْالْحَيَاةْ
وْ الْحَيَاةْ بْرْيُوسْ الْحَيَّاتْ
تْبْخّْ سْمُومْ هْمّْ وْ غْمّْ
شْمْسْ الْمَشَاكِلْ رَاهَا حْمَاتْ
عْلَى أَحْلَى مُرَاهِقَاتْ
فْشَرَفْهُمْ وْ عِرْضْهُمْ آه نْبْشَاتْ
شْكُونْ يْحْرْسْ قَاصِرَاتْ
مْنْ ذِئَابْ مَا تْحْنّْ مَا تْرْحْمْ
يْفْتَرْسُوا لُحُومْ الصَّغِيرَاتْ
وْ كُلّْ وَاحْدْ يْقُولْ نْفْسِي نْفْسِي
وْ إِيلاَ قْدْرْتْ غِيرْ عْلَى رَاسِي
أَنَانِيّ قْلْبْ زْمَانِي
خْدَّاعْ مْكَّارْ فْهَاذْ الْحَيَاةْ.
...................................من توقيع/الخائف من الظلم المهدي العمري.