أناشيد الطفل بحكمة و عبرة:حكاية حقيقية من الطفولة:
كَانُوا صْغَارْ فْشُقَّة
يْعْلاَ صُوتْهُمْ وْ صُوتُو
مُّو دِّيرْ فِيهْ الثِّقَة
دِيمَا مِنْ دُونْ خُوتُو
وْ هُمَا يْرْفْضُوا الْحَقِيقَة
يْظْلْمُوهْ وْ عْليهْ يْغْوّْتُوا
تْسْدّْ الْكُوزِينَة وْ تْخْرْجْ
تْخْلِّي سْوَارْتْهَا عْنْدُو
بَاغْيَة عْلَى الزَّادْ تْحَافْظْ
وْ الْخُوتْ بِهْ يْتْفْرّْدُو
يْقُولُوا وْدَايْرِينْ رْوِينَة
عْطِينَا سْوَارْت الْكُوزِينَة
الْجُوعْ يَّاكْلْ فِينَا
يْقُولْ حْتَّى مّْكُمْ تْرْجْعْ
صُوتْ الأَمَانَة يْوْجْعْ
يْخْرّْجُوا فِيهْ الْعْوِينَة
يْسْدّْ الْبَابْ دِيمَا عْلِيهْ
وْ هُمَّا الْبَابْ يْفْرْعُوا فِيهْ
يْقْرّْبْ يَا نَاسْ يْتْهْرّْسْ
وْ هُوَ يْبكي و الْخُوفْ مَالِيهْ
هِيَ الأَمَانَة أَمَانَة
وْ لاَّ الأَمَانَة خِيَانَة؟
الكْذُوبْ يَا نَاسْ مْلاَنَا
وْ الصِّدْقْ صَارْ للقُمَامَة
بْقِصَّة قَابِيلْ وْ هَابِيلْ
وْ يُوسْفْ وْ خُوتُو مَا نْحْسُّوا
هَاذُو خُوتْ وْ أَعْدَاءْ
عْلَى الْمَصَالِحْ يْحْرْسُوا
وْ كُلّْ وَاحْدْ يْبْغِي رَاسُو
بْلْخْرِينْ دِيمَا مَا يْحْسُّوا
قْتَاشْ نْفْكّْرُوا وْ نْعْقْلُوا
وْ بْآيَاتْ الله نْحْسُّوا.
........................من توقيع/الخائف من الظلم المهدي العمري.
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.