بحلم بضمة / بقلم الشاعر جبريل رضوان
اااااااااااا
بحلم بلمة وضمة
وحضن دافي
بكلمة حلوة وغنوة
ونبع صافي
بحلم بنيلك وليلك
وقمرك وشمسك
بحلم اطوفك واشوفك
واقرا ملامحك
ومهما قسيتي عليه يابلدي
انا كلت قمحك
وحازعل شوية من اللي
جرالي وبرضه حاسامحك
وحانسى انيني وانسى جراحي
واداوي ف جرحك
واعيشك وراضي بكل التراضي
ف حزنك وفرحك
ومها حصلي ومهما جرالي
حاجيلك واضارحك
وحاعزق بفاسي وحاتعب
وحاعرق وافرح بطرحك
ااااااااااا
وباحلم اشوفك صبية وعفية
وحاضنة القمر
ف ليلك وقمرك ياحلى عروسة
بيحلى السهر
وانا عنك انتي مبقدرش ابعد
كرهت السفر
ااااااااا
كرهت اني اسيبك وابعد
بعيد
حاقطع جوازي واعيش من
جديد
والف دروبك وكل شورعك
وحابقى سعيد
وحاحمي ترابك وارجع شبابك
وقلبي حديد
واردد معاكي غناكي باحلى
نشيد
اااااااااااااا
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.