الْحْقّْ فْ خُوفْ وْ رُعْبْ:
هَذَا حْقُّو مْضَى
فْطْرِيقْ ظْلاَمْ بَارْدَة
وْ صُوتْ الْحْقّْ مْنْ الْخُوفْ
ضْرَّاتُو المْعْدَة
تْرْمِي كْلاَمْ حْكْمَة
عْلَى كْلاَمْ بَاطْلْ مْحَافْظَة
وْ هَذَا قْلْبُو مْلْعُونْ
بْالْمَالْ يْبَانْ وْرْدَة
وْ انْتَ فَقِيرْ مْظْلُومْ
نْفْسْكْ تْصِيرْ حَاقْدَة
وْ يْقْتَاتْ قْلْبْكْ مْنْ هْمّْ
يْسْكْنْ فْأَعْمَاقْ شَارْدَة
وْ الظَّالْمْ عْلِينَا يقْرْمْ
بْقُوَّة حُرّ يْظْلْمْ
أَبْوَابْ الْحَقّْ سَادَّة
النَّاسْ صَافِي مْلُّوا
مْنْ هَاذْ الرُّعْبْ تْعْلُّوا
امْتَى اللّسَانْ يْنْطْقْ
بْكْلْمْةْ حْقّْ يْشْرْقْ
بْعْدْهَا مَا نْتْذْلُّوا
قْلْبِي دْمَى وْ تّْحْرْقْ
وْ دْمَاغِي عْرُوقُو تْشْلُّوا
شْكُونْ يْحْسّْ وْ يْعْتْقْ
لِّي يْقُولْ الْحْقّْ دِيمَا
وْ يْرْدُّوهْ هْبِيلْ أَحْمَقْ
وْ عْلِيهْ الْفَاسْدِينْ يْحْمْلُوا.
...........من توقيع/الخائف من الظلم المهدي العمري.
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.