بامد لك أيدي ــــــــــــــــــــــ بقلم الاستاذ // محمود السيد مسعود

بامد لك أيدي
ــــــــــــــــــــــــــــــــــــ
بامد لك أيدي
شديني من وحل الأيام
نفضي عني غبار السنين
شعري اللي ابيض غصب عني
لخوفي من بكرة
والضحكة المرة اللي اترسمت
فوق شفايفي البهتانه
شايفك متعكزة علي عصاية
شرخها الزمن
مدي إيدك في ايديا
لجل نعدي قناية الخطايا
اللي ورثناها مش بأدينا
عايزك تقلعي توب الحزن
عايزك تبصي لقدام
وانسي جراح عششت
جواكي سنين
انسي مين اللي باعك
وافتكري ولادك الشقيانين
ولادك اللي اتعروا عشان
يضللوا عليك بأوجاعهم
ونسوا هما مين
الصعب جاي !!
ميهمش طول ما
ولادك سهرانين
يبنوا فــ أمجادك
طوبة طوبة ..................
ـــــــــــــــــــــــــــــــــــــــــــــــــــــــــــــــــــــــــــــــ
بقلمي / محمود السيد مسعود ( عامي ) 2/3/2016م