مراهقة ف بئر الاوهام بقلم الخائف من الظلم المهدي العمري

مُرَاهِقَة فْ بِئْرْ الأَوْهَامْ:أُغْنِيَّة شَعْبِيَّة:

مُرَاهِقَة تْلْفَانَة فْالتّْلْفَزَة حَاطَّة الثِّقَة

فْالْمُسَلْسَلاَتْ تّْفْرّْجْ وْ تُّوهْ

فْ عَالَمْ أَوْهَامْ بْحَالْ الْحْمْقَة

عْلَى بُطُولَة وْ مَظَاهِرْ

قْلْبْهَا دِيمَا سَاهْرْ

تّْسْنَّى فَارِسْ أَحْلاَمْهَا

قْدَّامْهَا يْصِيرْ ظَاهْرْ

بَاقْيَة صْغِيرَة عْلَى الزّْوَاجْ

تّْلاَحْ للمْصَاحْبَة وْ التّْعْوَاجْ

بْحُبّْ مْلْفُوفْ بْهْوَى

بَاغْيَة حُرِّيَّة وْ إِفْرَاجْ

عْلَى نْفْسْهَا دِيمَا تْكْذْبْ

بْالزّْزّ بَاغْيَة تْتْحْبّْ

فْقْلْبْهَا غِيرْ سْرَابْ

غِيرْ شَرَفْهَا لِّي يْتّْسْلْبْ

فْالْفْسَادْ حُرِّيَّة

وْ الدِّينْ فْقْدْ السّْمِيَّة

الْعْقْلْ تَاهْ وْ النِّيَّة

وْ شَاعْلَة فْالْقْلْبْ نَارْ الْكّيَّة

الْمُرَاهِقَة بَاقْيَة تْحْلْمْ

بْفَارِسْ أَحْلاَمْ بِهَا يْطِيرْ

يْنْسِّيهَا عْذَابْ يْأْلّْمْ

يْعِيّْشْهَا فْخِيرْ وْ خْمِيرْ

وْ الدّنْيَا قَاسْيَة تْصْدْمْ

تْكْسّْرْ فِينَا الضَّمِيرْ

حَنَانْ وْ حُبّْ رَاهَا تْرْدْمْ

وْ تْرْفْعْ إِنْسَانْ حَقِيرْ

الْمُرَاهِقَة ضّْرْبْهَا الْفِيقَة

حْتَّى الشَّرَفْ مْنّْهَا يْطِيرْ.

..............................من توقيع/الخائف من الظلم المهدي العمري.