الشاعرالرائع عمر علي حسن (بقايا الاثر)
وليه الضحكه خاصمتنى ...
وليه منى بقت.. بتخاف
مابين اللحظه والتانيه ...
بقول يمكن ف لحظه اتشاف
تمر اللحظه والتانيه...
مفيش رحمه مفيش انصاف
بتبكى الدمعه ف عنيا ...
وانا من همى مش ولاف
مليش صاحب لانى طريد ..
ما بين سجان وسيف سياف
وكام حلم اتولد ميت ...
وحمل بيتحنيله كتاف
ما بين فتوة دقون عيره ..
وعمة سمكرى ف اوقاف
مابين القاعده والترحال..
وبور ارضى بتشكى جفاف
ما بين همس ف صراخ جاحد..
سنين ماتعدى الا عجاف
ما بين كام قيمه منسيه ...
وكام نابض بروح اسفاف
مابين ميت عظيم الجاه ...
وجهل بيمشى ورا عراف
........
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.