كبرنا ازاي بقلم الشاعرعصام دويدار
كبرنا إزاي.......................
دا لسه من يومين فاتوا
كنا عيال.....................
وكنا بنلعب السيجه
وعيني تملي ع البقال
ولما يقولوا ابوك إجى
أقوم أجري عليه في الحال
يجبلي حاجه ببريزه
أتمنظر بيها ع الخلان
وكله يقولي هات حته
وأنا أديهم عشان بكرا
أبويا تملي بيسافر
وهما كمان بيدوني علي فكره
كبرنا إزاي.......................
دا لسه من يومين فاتوا
كنا عيال........................
بنعلب كوره في النادي
ونلعب بلي في الحاره
قوام فجأه السنين فاتوا
صحيح الدنيا دواره
....................................
عصام دويدار
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.