رَأْيْ فْ أُمَّة:بقلم المهدي العمري

رَأْيْ فْ أُمَّة:
عْلَى الْخُوفْ وْ الظُّرُوفْ
نْحْمّْلُوا الْمْسْؤُولِيَّة
فْ مْرَايْتُو الْقْلْبْ مَا يْشُوفْ
فْ شِيزُوفْرِينْيَا الْعْقْلِيَّة
وْ حْنَا فْ مْرْكْبْ تْغْرْقْ
فْ أُمَّة فْقْدَاتْ الشّْخْصِيَّة
فْ كُلْشِي غَادْيَة وْ تْخْرْبْقْ
فْ أخِرْ الصّْفّْ مْرْمِيَّة
سْفْكْ الدِّمَاءْ لِيهَا يْخْنْقْ
فْقْدَاتْ فْ الْخِيرْ الشَّهِيَّة
الشّْرّْ عْلَى قُلُوبْنَا يْطْبْقْ
عْلاَتْ الْفُرُوقْ الطَّبَقِيَّة
خْطَاكْ الْمَالْ تْبَانْ حْمْقْ
مَا يْصْدّْقْكْ لاَ إِنْسْ لاَ إِنْسِيَّة
النَّاسْ فْ الدِّينْ تْفْتِي وْ تْنْطْقْ
وْ لاَ أَخْلاَقْ بْقَاتْ لاَ نِيَّة
كُلّْ مْكَانْ صَارْ يْقْلّْقْ
فِيهْ حْيَاتْكْ تْصِيرْ مْقْصِيَّة
وْ لِّي للسِّياسَة يْعْشْقْ
لِيهْ الشّْعْبْ يْكُونْ ضَحِيَّة
شْمْسْ الْحُرِّية تْشْرْقْ
فْ أَحْلاَمْ زَاهْيَة وْرْدِيَّة
وْ الضَّمِيرْ صْفْحَة تّْطْوَاتْ
عَادِي صَارْتْ الْمْعْصِيَّة
كْلْمْةْ حْقّْ تْفْتْحْ أَبْوَابْ
مْنْ ظُلْمْ وْ ذُلّْ وْ عْذَابْ
مَصِيرْ الْحْقْ كْثِيرْ يْكُونْ
إِمَّا القَتْلْ إِمَّا الْجُنُونْ
فْ أُمَّة عَايْشَة فْ انْسِيَابْ.
..........من توقيع/المهدي العمري.